Dekabr 26, 2014

Bakıda Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin  "ASAN School"  könüllülük proqramı çərçivəsində Azərbaycan Respublikasının Prezidenti yanında Dövlət İdarəçilik Akademiyası ilə birgə layihəsi olan "İnnovativ idarəetmə məktəbi"nin açılış mərasimi keçiriləcək.

Noyabr 07, 2014

Yeni Fikir Müsabiqəsi (YFM) Qafqaz Universiteti Texnoparkının (QUTechnopark) təşkil etdiyi layihədir. Bu layihə innovativ sahibkarlığın inkişafına dəstək vermək məqsədilə həyata keçirilir. Bununla belə, gənclər arasında təşəbbüskarlığı (sahibkarlığı) təşviq edir ki, bu da öz növbəsində elmi tədqiqatlarda, eləcə də kadr hazırlığı işində keyfiyyətin yüksəldilməsinə xidmət edir. YFM təşəbbüskar gənclərlə iş dünyası arasında real körpü rolunu oynayır.

YFM ildə bir dəfə keçirilir. Müsabiqədə təkcə Qafqaz Universiteti mənsubları deyil, Azərbaycan Respublikasında yaşayan bütün gənclər iştirak edə bilər.

Oktyabr 28, 2014

Azərbaycan Dövlət İqtisad Universitetinin nəzdində yaradılmış İnnovativ Biznes-inkubatoru yeni “startup”-ları təqdim etdi. Bunlar: “Peşəkar Mühasibatlıq” Mərkəzi, “LingvOmondo” Tərçümə Mərkəzi, “Perfect Pictures” videoreklam studiyası  və  “UniWeb” veb-dizayn studiyasıdır.

Oktyabr 27, 2014

Prezident yanında Elmin İnkişafı Fondu (EIF) ölkədə sənayenin inkişafı sahəsində aparılan əhəmiyyətli elmi araşdırma və tədqiqatların dəstəklənməsinə yönəlmiş layihələrin qrantlar yolu ilə maliyyələşdirilməsi üçün “Sənaye qrantı”nı elan edib.

Oktyabr 27, 2014

Kimlər Startup Günlərində  iştirak edə bilər ?

Startup Günlərində ilk növbədə  proqramçılar, dizaynerlər və developerlərin iştirakı nəzərdə tutulur. Eyni zamanda İnternet biznesə maraq göstərən, bu sahədə ideyaları olan sosial media menecerləri, marketoloqlar, hüquqçular və digər sahələrin mütəxəssisləri də iştirak edə bilərlər.

Startup Günlərində bir qayda olaraq tələbələr və fəaliyyətə yeni başlayan gənc sahibkarlar, fərdi işləyənlər (freelance)  və digər gənclər iştirak edirlər.

Oktyabr 27, 2014

Azərbaycan Dövlət İqtisad Universitetinin (ADİU) İnnovativ Biznes-İnkubatorunun (İBİ) təqdimatı keçirilib.  Universitetdən “ICTnews” elektron xəbər xidmətinə verilən məlumata görə, tədbirdə təhsil naziri Mikayıl Cabbarov, gənclər və idman naziri Azad Rəhimov və başqa qonaqlar iştirak edib. Qonaqlar əvvəlcə İBİ-nin ofisi ilə tanış olublar.

Oktyabr 14-16, 2014

14 - 16 noyabr 2014-cü il tarixlərdə Bakıda Startup Günləri keçiriləcək. Yüksək Texnologiyalar Parkında təşkil olunacaq Startup Günləri Startup Azərbaycan Layihəsi çərçivəsində keçirilir.

Oktyabr 21, 2014

Ölkəmizdə rabitə və kommunal xidmətlər üzrə internet vasitəsilə aparılan qeyri-nəğd ödənişlərin sayı aydan-aya artmaqdadır. Hazırda rabitə və kommunal xidmət haqlarının internetlə ödənilməsi üçün "VİSA/VİSA Elektron” və "Master Card/Maestro” kartlarından istifadə olunur. Təəssüf ki, Respublikada Elektron ticarətin inkişafı üçün bu kartlardan geniş istifadə edilməsi mümkün olmur, belə ki banklar kartlarda olan məlumatların manual ötürülməsini tələb edirlər.

Oktyabr 17, 2014

Azərbaycan Respublikasının Rabitə və Yüksək Texnologiyalar Nazirliyi tabeliyində təsis edilmiş  "Yüksək Texnologiyalar Parkı - YT Park" Məhdud Məsuliyyətli Cəmiyyəti Pirallahı adasında inşa ediləcək "Yüksək Texnologiyalar Parkı"nın baş planı, dizayn, layihələndirmə, müəllif nəzarəti işlərinin və xidmətlərinin satınalınması ilə əlaqədar açıq tender (bundan sonra "Tender") elan edir və sizi tenderə dəvət (bundan sonra "TD") və şərtlər toplusu sənədlərində (bundan sonra "ŞT Sənədləri") təsvir edilmiş təlimat və qaydalara riayət etməklə tender təkliflərinizi təqdim etməyə dəvət edir.

Oktyabr 15, 2014

Azərbaycan Respublikası Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunun İkinci qrant müsabiqəsinin ELANI

Azərbaycan Respublikası Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu innovativ İKT xidmətlərinin və məhsullarının hazırlanması (tətbiq sahələri: e-ticarə, e-xidmətlər, mobil həllər, istehsal yönümlü yeni məhsullar və texnologiyalar, xidmətlər) mövzusu üzrə qrant müsabiqəsi elan edir: